بقالي 29 ساعة صاحي وطالعة في دماغي اكتب بوست
معا اني اخر هواية عندي هي الكتابة
طول عمري انا و الكتابة مش صحاب
من ايام القلم لحد الكي بورد
نادر لما يكتبوا الي انا عاوزة
وادي مثال حي
بقالي ساعتين بكتب السطرين الي فوق
لدرجة اني نسيت انا كنت عاوز اكتب اية
أه
هو المفروض اكتب بوست بمناسبة مرور سنة على افتتاح المدونة
يعني المفروض اجيب تورتة و شمعة وكيك و اعمل حفلة
وأقيم الفترة دي و اكتب عن المدونين الي اتأثرت بيهم و الي بتابعهم
او عن احسن بوست كتبتة و أو أسوأهم
بس نظرا لأن السطور بدأت تلعب ادامي
ومش شايف الفرق مبين النون و التاء
مش حيبقي غير اني أشكر الاصدقاء الي استحملوا انهم يوصلوا
للسطر دة من غير ميقفلوا الصفحة و يحلفوا انهم ميجوش هنا تاني
واوعدهم لو صمدوا سنة كمان و ربنا ادانا العمر حعملهم حفلة أكبر من كدة
طبعا بعد ازمة العيش انت زهقانين من اكل الكيك والتورتة .
علشان كدة جايبلكوا حاجة مختلفة
http://aboukhar2.blogspot.com
دي مدونة فيها اكتر من 6250 كتاب في كافة المجالات
--
ملحوظة
لم يكن من اولويات هذة المدونة الكتابة عن السياسة
لذلك سأكتفي بهذة الاغنية لمنير
طول عمر العسكر عسكر
بس الناس الناس كانت ناس
هناك ٢٦ تعليقًا:
:)
كل سنه ومدونتك دايما بخير و انت بخير
مش لازم تكتب عن احسن بوست, عشان كل واحد فيهم احسن من التاني عشان كل واحد طالع من جوه قوي و بإحساس قوي
أما عن أكتر مدونين أثروا فيك , فاعتقد ان دي مش المناسبه , ده عيد ميلاد مدونتك انت
يعني احنا الي نقول انت أثرت عندنا اد ايه
وانا من الناس الي تدويناتك كانت دايما بتأثر فيا
وتعليقاتك عندي كانت دايما فارقه معايا
لسه فاكره اول بوست ليك و جملة
coming soon
كنت كل شويه ادخل ابوص و اقول هوا هيكم سون امتى بقى
و اديك كميت :)
كل سنه وانت بألف الف خير
و مرسي على المكتبة الغنيه دي , المفروض احنا الي نجبلك هديه مش انت
بس يلا نمشيها المرده دي
:)
في انتظار بوستات جميله و صادقه كالعاده من جوه
و عقبال الاحتفال السنه الجايه
:)
كل تدوينه و انت طيب :)
و اه , يا رب تكون نمت بقى 29 ساعه كتير .. اصلك كده بتفكرني بناس غريبه كان عندها الحاله دي فخلي بالك عشان هتقلب بنوم مستمر بعد كده
:)
اه و نسيت اقول حاجه عن تعليق لجمله في الأغنيه بتقول
ساح يا بداح يا سؤال جراح ...
ساح يا بداح يا سؤال جراح
ما الذي كان و ما عادش و راح
قمر انطفي و انكفي و اختفي
-----
لو منير قال الي فات
افتكره برده انه
لو غاب قمر مليون قمر طالع ........ طالع
يفتح سبيل .............. فى المستحيل
يفتح سبيل .............. فى المستحيل
يا فجرنا يا سلسبيل مهما تغيب راجع ........ راجع
مدوا الخطاوى مشوارنا لسه طويل ........ و مالوش بديل
و كل خطوه عالطريق,عالطريق قنديل ............. و ازاى نميل
دا بكره جايب نهار يستاهل المشوار
دا بكره جايب نهار يستاهل المشوار
و حلمنا لو ينضرب هنصد و نرد و لابد
يبقى المصير فى اليد
:)
اسكندراني
كل سنه وانت طيب
ومنور سماء البلوجر
وان كنت كسلان بقالك فترة
تحياتي
كل سنه وانت طيب يا بلدياتى
ادخل نام وريح الجثه ديه ليها حق عليك يا ابني
حاشوف الموقع ده بس يارب تكون الكتب اللى عليه بتشتغل بادوب ريدر عشان انا كل ما انزل كتاب الكترونى ميفتحش معايا
:)
يعني لازم توصل لمرحلة انك مش نايم 29 ساعة عشان نشوفك كده هندعيلك متنامش علطول:) كل سنة وانت ومدونتك بألف خير ياغرييب زيينامش مهم بقي شايف النون بدل التاء ولا العكس المهم انك جيييييييييت وكتبت من تاني
واكيد انت عارف قد ايه كتابتك وسطورك وكلماتك بتفرق معانا وإلا مكوناش لازقين عندك علطول
اه هحاول بقي وامري لله اصمد سنة تانية بس اوعي يجي في بالك اني مستنية الحفلة الكبيرة ولاحاجة:)
----------------------
حابة اشكرك مش عارفة ليه بس شكرا ياغرييب زينا وبتمنالك كل الخير
سلامي ليك وكل الود
كفاااااااااااااااااااارة
عارف ان بقالى شهر يمكن او اكتر كل ما ادخل ابقة عايزة اسبلك تعليق اقولك ارحمنا ونزل بوست بقة حسسنا انك معااااااااانا لكن كفارة والله
شوف انا صبرت صبرت ومجتش على فاشوش
اديك فى الاخر نزلت بوست
عمتا متتأخرش تانى يا اسكندرانى انت
وكل سنة وانت طيب ومدونتك لاتصمت عن الكلام وكل سنة وانت محتفل بعيد ميلادها
وكل سنة واحنا من مهنئينك
واخيرا بقة متفكرنيش بقة بموضوع العيش دة لحسن الواحد بقة هامة هم العيش
خلااااااااص ولكن باردو الحمد لله
وعقبال بقة ماتطفى الشمعة 100 لعيد ميلاد المدونة
تحياتى
يااااااه يا اسكندرانى
كل سنة وانت طيب يا راجل يا طيب
ورغيف ايه بقى وبنزين مين
انت هات معاك شاتدوشت سوددق من القطر وكتر خيرك على كده :)
تحيياتى
وكان الحلم الغالي براااح
:)
أخيرا رضيت عن المدونة و حطيت بوست
ده أنا جاية كده و أنا عارفة اني مش حلاقيك حاطط حاجة بس اتفاجئت ان البوست بقاله أكتر من إسبوع
ياااه إسبوع
كل سنة و مدونتك طيبة .. بس فعلا انت ماقلتش أخبار السنة ايه
و الفايدة منها كتير ولا لا تذكر
التدوين على فكرة تجربة ممتعة جدا و أجمل ما فيها إنها بتحط ناس كتير في محيطك كل ما يجمعك بيهم هي المشاعر
29 ساعة صاحي؟؟؟ ده إفترى
على فكرة بحب جدا المقطع للي سبته من الأغنية
فرحانة باني أخيرا شفت البوست
و زعلانةى إني إتأخرت
:)
تحياتي
rosa
وانت طيبة و بصحة وسلامة
كتير عليا كل الكلام الجميل دة
وان شاء الله نردهالك في عيد المدونة القادم او اي مناسبة سعيدة اقرب
----
معاكي حق في ان
دا بكره جايب نهار يستاهل المشوار
بس انا كان قصدي الي حيحصل لو الاضراب مجبش نتيجة واديكي شفتي الي عملوه في الشعب
---
سلامي و تحياتي ونورتيني
بنت القمر
وانت طيبة يا فندم
مش كسل
بس ممكن تقولي اني قارئ اكتر مني كاتب
تحياتي ومنوراني
Nsreen Bsunee
وانت طيبة يا اسكندرانية
نمت يا سيتي خلاص بس بعد 32 ساعة عبال مخلصت البوست :(
الموقع جميل والدونلود منة سهل و كل اللينكات شغالة وان شاء الله حيعجب
منوراني
tota
ميرسي يا غريبة زينا
ان شاء الله السنة الي جاية حيكون فية توزيع شهادات تقدير للي قدر يستحملني
انا الي بشكرك على اهتمامك وربنا يهون عليكي الغربة
تحياتي و منوراني
نبض اسكندرية
انا لو اعرف انك حتيجي من شهر كنت فتحت باب التعليقات بس كنت حقفلها بسرعة علشان ميخشهاش صورة الاهلي دي
خلاص يعني من قلة الصور
على العموم مبروك عليكوا الدوري
احنا بردوا عندنا روح رياضية
:)
تحياتي
بنوتة من وسط البلد
هههههههههههه
اخر مرة ركبت القطر كانوا بيبيعوا شاندوتشات كبدة مش سدق
امال لية مش عاوزين تصدقوا ان البلد بتتطور
بس خلاص السنة الي جاية حيكون فية اوبن بوفية فية كل الي بيتباع في القطر والي على المحطات كمان
تحياتي
Hannoda
بدري متأخر المهم ان شرفتي المدونة بزيارتك
علشان اركز و اكتب اخبار السنة والفايدة منها محتاجة سهر 42 ساعة
ومش حيكفي حق الناس الي اتحطوا في محيطي ولا الناس الي حطيت نفس بمحيطهم
--
كل سنة و انت طيبة
ومنوراني
بقى انا كل مادخل عندك الاقى لا حس ولا خبر ومروة واحده الاقى بوست بقاله زمن
اولا كل سنه وانت ومدونتك طيبين وبخير
ثانيا حلوة اوى موضوع مدونه الكتب بجد
وسلامى يا اسكندرانى ومتغيبش
:))
كل لحظة وانت ومدونتك بالف خير
وحشتنى بوستاتك واسلوبك
وكان الله فى عونك ويعينك على شغلك
وميرسى على لينك الكتب
متتأخرش علينا تانى
خسااااااااره جيت متاخره اوى بس معلش ملحوقه
هابى بيرث داى تو يووو
هابى بيرث داى تو يوووو
هابى بيرث داى تو يو مدونه اسكندراااانى
هابى بيرث داى تو يوووو....هووووف هيييييه
التورته والجاتوه ياجماعه والبيبسى الكانز مش الازايز على اسكندرانى وخدو راحتكو ميهمكوش خير ربنا كتيييير
كل سنة وانت طيب ومدونتك مفتوحة علي طول
هو أنا الحمد لله وصلت للآخر وحاولت أفهم والله حاولت
الحمد لله وصلت انه عدت سنة علي المدونة
وان الناس مش هي الناس
كل سنة وانت ومدونتك بالف خير وصحة وسلااااامة
اول زيارة بس عجبتنى اوى بصرااحة
وبجدا احب اشكرك ع اجمل هدية اللى احلى من مليون تورتة المدونة بجد اكتر من رائعة
وعلشان كدة عزماك عندى على العصير اللى تحبة او نسكافية حتى
اوعى متجييش؟؟
shayma
المهم انك وصلتي بالسلام
وانت طيب وبصحة
تحياتي ومنوراني
البنت الشلبية
وانت طيب
المهم يكون اللنك عجبك
تحياتي و منوراني
سمر الشافعى
اي التدبيسا دي
ماشي يا سيتي الي يعرف يااخد حاجة يخدها
المهم انك تكوني مبسوط
تحياتي
fanan fa2eer
وانت طيبة
معلش تخاريف السهر خلت البوست يطلع كدة
بس اوعدك المرة الي جاية حنزلوا الترجمة
منوراني
دعاء مواجهات
وانت طيبة وبصحة وسلامة
منورة البلوج في اول زيارة
وان شاء الله حشرب عندك العصير قريب
دا لو عندك عصير طماطم
منوراني و تحياتي
إرسال تعليق