الاشتراك في:
تعليقات الرسالة (Atom)
skip to main |
skip to sidebar
ياسـكندرية بحرك عجايب ...... يا ريت اخدلي من الحب نايب
Facebook Badge
صورة الاسبوع
ZMLKAWY ADIM
A3'ANY WE 3GBANY
KLAM WE 3AGBNY
طمّنى عليك الأول..
عامل إيه..؟
سمعت إنك تعبان..
استنيتك ع القهوة كتير
ولما زهقت من الشاى
والقهوة ومن الدخان..
مشيت ورا نقطة ضى..
عارف م الأول
إن شارع القصر العينى
مش رايح جاى..
بس من إمتى القصيدة يا صاحبى
بتحتاج إذن مرور
ولاّ موافقة من رئيس الحى..
حضنتنى الكلمة
ومشينا فوق كل الأحزان
وعند تقاطع جاردن سيتى
والمبتديان
كان كردون الأمن
بيحوط كل المكان
ولما لمحنى الظابط
كلم ظابط تانى بصوت فرحان
تمام يا فندم
لقينا القصيدة المصابة بالفيروس
ولا يمكن توصل للجورنان
خليك عندك..
إوعى تقرب..
والقصيدة تصرخ
إنت أكيد غلطان
والحصار يزيد
والقصيدة تشاور من بعيد
يا محمود.. يا سمير
يا عبدالرحمن..
والكل خايف يقرب م القصيدة
معلش يا خويا العمر غالى
ومحدش ف الزمن ده
بيحب حد أكتر من نفسه
مهما كان...
واللى جرى قفل باب روحه
واللى استخبى ف دكان
وفجأة سكت الصوت
وراق شارع القصر العينى من كل الزحمة
ورجع من تانى إنسان
وعاشت القصيدة
وماتت كل الوشوش
اللى استخبت ورا البيبان..
على سلامةblady
اصدقائي في الغربة
زاروني في الغربة
About Me
- اسكندراني في الغربة
- Life is a comedy for those who think and a tragedy for those who feel
هناك ١٧ تعليقًا:
قريت مره قبل كده ان من فتره ان المصرين هما الشعب الوحيد الي لما يسافر بره للشغل او للدراسه او لأي حاجه فيها مصلحته بيسافر و هو دايما في دماغه ان راجع يعني راجع في وقت من الاوقات بعكس كل الجنسيات التانيه حتى العرب ... حاجه غريبه فعلا .. امال لو مكنتش هيا السبب في غربتنا بره .. سبحان الله
---
على فكره الاغنيه بتاعت البلوج صعبه قوي :(
ليه كده حرام عليك
تحفففففففففففه
على اد محنا عايزين نهج بره على اد مبنحبها
وبحلم يامصر
تحكى ماضيك بامانه
تكشفى مين اللى باعك فى دهاليز الخيانه
ومين الى عيشتى جوه ننى عينه امانه
ومين اللى حس فيكى الكلمه مسؤليه
ومين اللى قال الكلمه مرعوشه وجبانه
ومين اللىعارفك طين وعلقم
ومين اللى حافظك بار وحانه
ومين الايد المرتاحه
ومين الايد اعرقانه
ومين بره حدودك بيتفسح
ومين جوه حدودك هجانه
من مسرحيه وبحلم يامصر لنعمان عاشور
خلونا نحلم بمصر يمكن يجى يوم تاخد بالها من ولادها وتضمهم وتمسح دمعتهم وتهون عليهم غربتهم وتمسح المراره الى فى حلق ناسها
عندنا امل فى ربنا
مدونه جميله مافيهاش كلام كتير
لكنها مليانه بشجن
ام روزا
روزا
ولا اقول ماما روزا
والله الواحد تعب معاها لا عارف يعيش فيها ولا في غيرها
الاغنية بالفعل صعبة بس تستاهل
تحياتي من غربتنا لي غربتك
tota
ويعني مش حرام عليها الي هي بتعملوا فينا دة
انت مش بردوا غريبة زينا؟؟
:))
تحياتي
shaymaa
السؤال ديلوقتي
هي حتحبنا امتي؟
ومتقوليش اية اديتنا مصر
:)
تحياتي
ام روزا
ميرسي يا فندم على الكلام الجمل دة عن المدونة
الامل موجود طبعا في ربنا
بس مش موجود في مصر
عندنا فقر امل
تحياتي ومنورة المدونة
كل شوية آجي ومش عارفة اشوف الفيديو من اجهزة الشغل.. مش عارفة فيه ايه
السلام عليك أيها المسافر
فعلاً مصر أمنا بس عيانه شويه وربنا يشفى ..ولوطال عياها لازم نستحملها
مش معقول نرميها ونقول منعرفهاش
دى مصر حتى لوكانت مريضه منرميهاش
دى مصر ومسيرها لما تخف حتحضنا وتضمنا وتضخ الدفا فينا وتدفينا
وقول يارب
وأبقى طل علينا طله
وتقبل تحيتى ومرورى
Hannoda
ياريت تكوني سمعتية
بس انا ممكن اتخيل رأيك حيكون اية
:)
تحياتي
بس انا اعرف ناس اتولدوا و اتربوا برة
و رجعوا مصر
و لما سابوها تاني
برضوا حبوها اوي و معرفوش يعيشوا سعدا
شكرا على الموضوع
كلام جميل
مصر مصر تعيشي يا مصر
حب مصر ادمان
well done
إرسال تعليق