
السبت، ١٢ يناير ٢٠٠٨
حـالة كـدة
انا في دبي

بس على عكس ما كنت متوقع
مش مبسوط
لية؟
مش عارف بس هي حالة كدة
بدأت يوم ما روحت احجز تذكرة الطيران
يمكن علشان اول مرة متكونش مصر طرف في الرحلة
يمكن علشان مكنش كل همي و انى احجز على مطار اسكندرية مش القاهرة
من ساعتها و انا عندي الحالة دي
حالة كدة مش عارف اية
-------------
المرادي مش احساس غربة
انا بقالي كتير متغرب يعني مش حتفرق كتير
بالعكس انا رايح دبي يعني رايح فسحة و ترفية اكتر منة شغل
بس من ساعت ما وصلت و كأني بتفرج عليها من وراء لوح زجاج
غير متحمس لأي حاجة . غير مهتم بأي جديد
وادي عدى يومين ولسة عندي الحالة دي
حالة كدة مش عارف اية
الاشتراك في:
تعليقات الرسالة (Atom)
هناك ١١ تعليقًا:
هي الحاله ايه؟؟
لا مؤاخذة الطب غلاب
ربنا يرجعك بالسلامه يا اسكندرانى ان شاء الله
عارفاها الحالة ده.. مش فاكرة حسيتها فين؟؟ بس عارفاها كويس قوي
و عارفة الفيديو ده كمان.. آه ياني منه
:)
عارف؟
لما بتجيلي الحالة ده في مكان المفروض اني أفرح فيه.. بقنع نفسي تماما اني فرحانة قوي .. وأرتب اليوم بالطريقة اللي أنا عارفاها انها ممكن تفرحني
وأما يخلص اليوم أقول لنفسي أو اللي معاي .. الله اليوم ده كان جميل جدا
عملت كده أما نزلنا اسكندرية و قاموا صمموا انهم يروحوا مصيف.. في اسكندرية برضه لانهم ماعرفوش يقنعوني بمرسى مطروح
وكنت كل يوم و انا هناك بحس شبه ما بتقول
بس كان فيه سبب.. و ادراكنا للسبب بيخلينا مانستغربش أحاسيسنا
يا رب يسعدك و يخليك تعرف تنكش قلبك من أي حاجة و تفرحه حتى لو هو مش ناوي
يااااااه بقي فيه حد يروح دبي ويكون متضايق؟؟
----------------------------
اختلفت الاماكن والغربه واحده
احساسك صعب عارفاه كويس بس حاول علي قد ماتقدر تقنع نفسك وتستمتع وانشاء الله ايام وهتعدي وربنا يصبرك ويسعدك ياغرييب زيينا
سلامي ليك
حاسه بيك اوى
انا كمان لما رحت دبي ماستمتعتش بيها برضه
مفيش زى اسكندريه
:)
انا كتير بيبقى عندى الاحساس ده برضة .. التتنيـــح ده مش غريب عليا
انا كنت كتبت بوست سايكو كده اسمه
عمرك هنجت وحسيت انك حتة من فيلم لخيرى بشارة ؟.
لو انت لسه متنح ممكن تفهم الى مكتوب .. لو مش متنح ممكن تفهم لو انت عارف مين خيري بشارة :) ؟؟
انت فهمت حاجة من الى فوق ؟؟؟
ع العموم برضة
تخياتى :)
لماضا
بطلي لماضا انت بقيتي دكتورة بجد
:)
شكرا على اهتماك وتحياتي
Hannoda
الحمد لله ربنا بعتلي فرحة مكنتش متوقعها
والحمد لله انها مكنتش ليا لوحدي دي لمصر كلها
واكتشفت ان الاحلي من انك تفرح ان الناس تكون فرحانة معاك
تحياتي وربنا يهون علينا كلنا
tota
شفتي فقر اكتر من كدة؟؟
بس الحمد لله بتفرج شوية شوية
شكرا على دعواتك ويا رب يرجعنا كلنا بالسلامة
تحياتي يا غريبة زيينا
Nsreen Bsunee
هي مش وحشة للدرجادي
بس بردوا لا تقارن بي الاسكندرية
:)
:)
تحياتي
بنوتة من وسط البلد
اية النور الي عندي في المدونة دة
بصي يا سيتي
طبعا انا قريت البوست دة في وقتة وساعتها معرفتش اعلق
وقريتة تاني وانا لسة متنح
ولو راجعتي التعليقات الان حتلقيني بردوا معرفتش اعلق
:)
منوراني وتحياتي
مش حقولك ان البحر هنا بيسأل عليك بس انا عايز اقولك انى من ساعت مشفت الكلام دة حسيت بحاجة غريبة انت عارف انى حسافر قريب وحسيب اسكندرية وكلامك دة خلانى اعمل حاجة كدة مجنونة بروح كل يوم الصبح اقغد على البحر وعارف بحس انى بشرب كل يوم منة شوية علشان محسش انة واحشنى بعد كدة واللة الكلام دة من جوايا قوى .ووحشنى جداااااااااااااا islam coco
إرسال تعليق