.
.
.
Coming Soon
.
.
.
Under Construction
.
.
.
ياسـكندرية بحرك عجايب ...... يا ريت اخدلي من الحب نايب
طمّنى عليك الأول..
عامل إيه..؟
سمعت إنك تعبان..
استنيتك ع القهوة كتير
ولما زهقت من الشاى
والقهوة ومن الدخان..
مشيت ورا نقطة ضى..
عارف م الأول
إن شارع القصر العينى
مش رايح جاى..
بس من إمتى القصيدة يا صاحبى
بتحتاج إذن مرور
ولاّ موافقة من رئيس الحى..
حضنتنى الكلمة
ومشينا فوق كل الأحزان
وعند تقاطع جاردن سيتى
والمبتديان
كان كردون الأمن
بيحوط كل المكان
ولما لمحنى الظابط
كلم ظابط تانى بصوت فرحان
تمام يا فندم
لقينا القصيدة المصابة بالفيروس
ولا يمكن توصل للجورنان
خليك عندك..
إوعى تقرب..
والقصيدة تصرخ
إنت أكيد غلطان
والحصار يزيد
والقصيدة تشاور من بعيد
يا محمود.. يا سمير
يا عبدالرحمن..
والكل خايف يقرب م القصيدة
معلش يا خويا العمر غالى
ومحدش ف الزمن ده
بيحب حد أكتر من نفسه
مهما كان...
واللى جرى قفل باب روحه
واللى استخبى ف دكان
وفجأة سكت الصوت
وراق شارع القصر العينى من كل الزحمة
ورجع من تانى إنسان
وعاشت القصيدة
وماتت كل الوشوش
اللى استخبت ورا البيبان..
على سلامة
هناك ١١ تعليقًا:
كل كونستركشن و انت طيب
يجعل دخلتي عليكم سال اخضر
بكرة تشوف المدونة دي حتتملي كومنتتات اصل انا قدم السعد
ههههههه
تخياتي
السلام عليكم
مستنيه اعرف انت مين :D
يعني بدأ العد التنازلي
ياللا مبرووووووووووك هتنور عالم المدونات
نحن في الويتنج
سلاماااااااااااااات
اسكندرية و فيروز ومنير وغربة
آآآه.. واضح إننا مستنيين مدون جاااامد جدا
مبروك على حجر الأساس و عقبال الافتتاح
انا بس عاوز اقول يا بختى انى اعرف واحد زيك
الناس مستنياك وانا معاهم واليسا كماااااان
انا مستنى كلامك عن غربتنا فى الرياض
وعن المعاناه يا صحبي فى المملكة
waiting
نحن ف الانتظار
بس و النبى متتأخرش
لحسن الكامينج سوووووووووون دى تبقى كمان كام شهر
ياللا بقى مستنييييييييييييين
بااااااااااااااااااى
انت بس افتح وهتلاقينا كلنا معاك وبنعلقلك من غير ماتكتب حاجه
فمابالك لو كتبت شوف بقي
مستنيين ابداعاتك
وسلامي ليك
فيك شئ مختلف
ممكن يكون احساس خاطئ او صحيح
كتاباتك وحدها ستكون الفاصل
سلامي ليك
ومنتظرينك
مرسيه لزيارة المدونه بتاعتى ومرسيه على الرباعيه الجميله الى سبتهالى
ويا ريت يا اسكندرنى تنورنى دايما
تحياتى
هو مين الى حيفتح فين و حتفتح اية و الناس دى الى واقفة وراك مين دول و بعدين هووا بيدعولك هو انتا حتفتح الاقصى ز نان مش فاهم حاجة بس فى الاخلر ربنا معاك وانا حقف معاهم بس استنا فين ؟
اية يا صحبي - وائل دة عاوز منك اية
هو انت اه زودتها حبتين - والعملية طولت - بس برضة هو عاوز منك اية
عموما يا صحبي انا معاك ولو حد مضايقك بس ادينى رنة على الجوال - وانا هالبى فى الحال
وياريت تبقى تخلص ونشوف حاجة
هههههههههه
وبعينك طبعا مش هاتعرف تعلق عندى لانى لسة مش عملت حاجة
ههههههههههههههههه
إرسال تعليق