المرادي مش حلم
المرادي لازم أكون صاحي
المرادي معنديش بحر أرمي همومي فية
المرادي صوت منير مش وصلي
المرادي لازم أعرف أني بعيد
المرادي لازم أكون صاحي
المرادي معنديش بحر أرمي همومي فية
المرادي صوت منير مش وصلي
المرادي لازم أعرف أني بعيد
المرادي صحابي ابعد
المرادي عارف يعني اية ان لية أهل
المرادي بس عرفت .. بعد مابعدت
المرادي عرفت أد اية كنت أحمق لما عملت لنفسي شرنقة وأنا وسطهم
المرادي فهمت انهم كانوا الغطاء الي كنت بهرب بية منهم
المرادي فهمت يعني اية كل ما تبعد تشوف أكتر
المرادي فهمت يعني اية كل ما تبعد تشوف أوضح
المرادي عارف الثمن الي دفعتة
المرادي عارف يعني اية ان لية أهل
المرادي بس عرفت .. بعد مابعدت
المرادي عرفت أد اية كنت أحمق لما عملت لنفسي شرنقة وأنا وسطهم
المرادي فهمت انهم كانوا الغطاء الي كنت بهرب بية منهم
المرادي فهمت يعني اية كل ما تبعد تشوف أكتر
المرادي فهمت يعني اية كل ما تبعد تشوف أوضح
المرادي عارف الثمن الي دفعتة
المرادي لازم قرار
المرادي دا قراري انا
المرادي مفيش مساعدات خارجية
المرادي مليكش وسائل مساعدة
المرادي محتاج حلول غريبة
المرادي محتاج احسبها صح
المرادي لازم أخرج من المدينة الفاضلة الي عايش فيها لوحدي
المرادي القرار مهم
المرادي محدش حيخدوا غيري
المرادي لازم أحسب خطواتي بعناية
المرادي حطلع رأسي من الرمل
المرادي محطوط مع هاملت في خانة اليك
المرادي صوتي حيكون أعلى منة و أنا بقول أكون أو لا أكون
المرادي لازم مواجهة
المرادي لازم صراع
المرادي لازم حرب
المرادي لازم انتصر
المرادي مش مهم الهزيمة
المرادي المهم المواجهة
.
.
المرادي بجد مش عارف أعمل اية
هناك ٥٨ تعليقًا:
ربنا يهون عليك غربتك ويهديك للصواب
تحياتى على البوست الى كله تحدى واصرار لكى تكون وان شاء الله هتكون بس خلى الصراع الى جواك يرشدك للصواب
تحياتى
اكيد مش لوحدك واكيد في مخرج يا اسكندراني , و اكيد في ربنا معاك تستخيره و تفوض امورك ليه
كمان في تليفونات ممكن تقرب , البعيد , مش محاوله للتدخل مني بقدر ماهي محاوله لتهوين الامر عليك , نقول ايه بس الازمات هيا الي بتصنع الرجال
, البوست كله شجن و مشاعر كلها احساس
ربنا معاك و يوفقك للي فيه الخير و الصواب كله
المره دى فعلا فى تغيير وفى مواجهه مع نفسك. ربنا معاك.وعلى قد مافى مراره بسبب موقف معين بس عسى ان تكره شيء وهو خير لكم
لايغير الله ما بقوم حتى يغيروا ما بأنفسهم وكل شىء فى الدنيا بيجيي بالأراده بعد توفيق ربنا والحمدلله ان ربنا نور بصيرتك فى بعدك اكتشفت حاجات كان لازم تشوفها من بعيد
بس اذكر ربنا كتير الا بذكر الله تطمئن القلوب . لما تشعر ان ربنا معاك قوتك حاتزيدوعن تجربه شخصيه القرب من الله مع الأخذ بالأسباب حاتشعر بسعاده داخليه تقويك اكنر . وانشاء الله توصل لهدفك واتمنى تسمع صوت منير وانا اقولك ابدأ بشكر الله وثق فى طالما انك مع الله فأنك الأقوى
ربنا معاك ينور بصيرتك ويسعدك يارب
المره دي مليان واقعيه وشجن وتصميم وحيره واراده وصراع وتساؤلات
بجد ربنا يهون عليك يااسكندراني وتلاقي اللي فيه الخير ليك
ربنا يسعدك ياغريب زينا
سلامي ليك
اعمل زى ما انت قلت كدا
اعمل كل اللى انت حاسه اوى دا
اعمل زى ما عقلك وقلبك بيقولولك
يا رب تكون بخير
وينتهى اللى بتمر بيه على خير
وربنا يكتب لك دايما الىل فيه الخير ليك
ربنا معاك ان شاء الله
ربنا يهدي سرك
ويهدي لك العاصي
اهدى وكلنا معاك
بقلوبنا وبدعواتنا
يارب يردك بخير لحبايبك
لا كله الا صوت منير
دا هو الفنار اللي بينورلنا طريق الرحله يا صاحبي
يارب يرجعك بالسلامة لبلدك واهلك وناسك لأن من اصعب الالام الم فراق الوطن .................
سعيد جدا بزيارة مدونة حضرتك
ولو ماكانش المرة دى المرة الجايه احسن وانجح دايما المرة الجايه احسن!!!ا
شكلك كدة داخل علي مرحلة مهمة ومليانة قرارات
فكر كويس قوي قبل ماتاخد أي قرار
ربنا معاك ويهديك يهون عليك غربتك
:))
تحياتي
صباح الفل علي إسكندرية ؛
هي الغربة كدة كزلزال قوته تقارب 7 علي قياس ريختر بيخلينا من بعده شئ مختلف تماما عما قبله.. ربنا يوفقك للقرار السليم
تحيات إسكندراني في بلاد الله الواسعة
تحياتي بجد مواضيع هايلة
ربنا يعينك ف كل شئ باذن اللله و تهون كل حاجة صعبة عليك
و بالتوفيق دايما ان شاء الله البوست اللى جاى يكون فيه ضحك و تفاؤل
عفوا ... البوست بتاعى عدلت فيه و اسفة على التعميم ف أول مرة
تحياتى
وأنا بقرا البوست قريت جواه الثورة و العصبية.. أنا عارفاها الثورة اللي تخلي الواحد يشد على نفسه قوي .. قوي
ويقول بعد كده.. أنا مش عارف أعمل ايه؟؟
**************************
عرفت أد اية كنت أحمق لما عملت لنفسي شرنقة وأنا وسطهم
المرادي فهمت انهم كانوا الغطاء الي كنت بهرب بية منهم
المرادي فهمت يعني اية كل ما تبعد تشوف أكتر
المرادي فهمت يعني اية كل ما تبعد تشوف أوضح
*************************
كلام حقيقي قوي .. لامسني من جوه قوي
اقعد كدة بس مع نفسك كدة وقول انك قوي وامك صامد
وفكر في خطواتك واول خطوة لازم تعملها ايه هي؟ظ
انت بس الشخص الوحيد الل يقدر يساعدك
ويلملم جروحك
انت الشخص الوحيد اللي هياخدك في حضنه
علي فكرة انت كدة بقيت ماشي في الطريق الصحيح
ماقصلك بس ترتب افكارك
وربنا يعينك
بلاش تعتبرها حاجه فارقه
خليها خطوه ميهمه وزى ماتيجى
مش قصدى تسيبها خالص بس متركزش فى نتائجها قوى علشان لو لاقدر الله جت عكس توقعك تكون عامل حسابك
ربنا يهون عليك
المرادى انت خايف
المرادى لازم تقاوح
المرادى لازم تعرف انك كان لازم تجرب البعد
المرادى محتاج تضحى كتيييييييييير
...........
فاهمه كل الاحاسيس دى
بس هتقدر طالما فهمت نفسك وفهمت كنت ايه وبقيت ايه
الوقت اللى تحس فيه انك مش شايف البحر ولا وصلك صوت كان بيقويك
اعرف انك نويت تكون شىء
هتكون
بس كون
وإيه يعنى
مجروح وجرحى بيوجعنى
ما أنا لسه باتحمل
وإيه يعنى
محدش راضى يسمعنى
م أنا برضه هاتكلم
وإيه يعنى
فيه ناس كتير بتخدعنى
ماانا لازم أتعلم
وإيه يعنى
حاجات كتير بتمنعنى
ما أنا عمرى ما استسلم
وإيه يعنى
لو سكتى هترجعنى
هبدأها تانى وأكمل
بص هو مبدئيا الشعر دا مش بتاعي
بس اتقالي وقت خنقه
معرفش حتي مناسب ولا لا
لم لم نفسك
خد وقتك
هينفع صدقني لو لسه ينفع تصدق
إنت فينك يا إسكندراني؟؟
ماتقلقناش
المرادي بجد مش عارف أعمل اية
فى الحالة دى انا بعمل كام حاجة بساعدونى على لتركيز والاسترخاء
تاخد شازر دافى تحاول تنام نوم عميق هتصحى تلاقى نفسك رايق وقادر انك تفكر بشكل سليم وتاخد قرارتك وانت متاكد منها
وربنا يوفقك للخير يارب
عارف انت صعبت عليه قوي
بس عارف لو حولت علي الاهلي اكيد حيبقي فيه فرق
يارب تكون بخيروالسبب
فى عدم التعليق انك مشغول مش حاجه تانيه
ربنا يهديلك نفسك
وينور بصيرتك وترجع لنا بالسلامه
الغربة جوه الوطن و لا براه
طب الغربة جوه البيت و الا براه
طب الغربة جوه النفس اصعب و الا كل ده؟
only spot
شكرا علي الدعوة الطيبة و النصيحة
ربنا يقدم الي فية الخير
شكرا على الزيارة و التعليق
و اكيد منوراني
rosa
من الحاجات الي بنخسرها هنا ارقام التليفونات
بتبدأ كتير و تقل مع طول الفترة
طبعا اكيد في مخرج و اكيد في امل
امال احنا عايشين لية
وصدقيني لو قلتلك انتي هونتي علية شوية
شكرا على الزيارة و التعليق
و اكيد منوراني
klmat
كلامك عامل زي الماء البارد الي نزل على صفيح ساخن
جزاكي الله خير
انا معرفش سنك اد اية بس الي متأكد منة انك أم . صح؟
شكرا على الزيارة و التعليق
و اكيد منوراني
tota
صديقتي المتغربة زايي
الي موجودة في مصر من غير متقول
شكرا على دعواتك
وربنا يهون عليكي و عليا
شكرا على الزيارة و التعليق
و اكيد منوراني
ساعة الغروب
شكرا علي الاهتمام
بس ساعات الي احنا عوزينة مش هو الصح
او الي احنا بنعملة مش هو الي بنعوزة
معلش معرفتش اعلق كويس على البوست بتاعك
المود مكنش يسمح
شكرا على الزيارة و التعليق
و اكيد منوراني
اسكندراني اوي جدا خالص
عاوز بخمشة ساغ فريسا - عندك؟
تحياتي و شكرا على الاهتمام
شكرا على الزيارة و التعليق
و اكيد منورني
اسلام رفاعي
المدونة منورة بأول زيارة
شكرا على دعواتك
شكرا على الزيارة و التعليق
و اكيد منورني
بنت القمر
شكلي حعمل بكلامك
اصل انا بتلكك
كلامك قليل بس بيجيب من الاخر
شكرا على الزيارة و التعليق
و اكيد منوراني
fanan(a) fa2eer(a)
من كتر التفكير نسيت هي اية المشكلة
ساعات التفكير الكتير بيضر
زي منتي كدة بتفكري متكمليش
دا تفكير مضر جدا جدا
ياريت تعيدي تفكير و متفكريش
شكرا على الزيارة و التعليق
و اكيد منوراني
إسكندراني في بلاد الله الواسعة
شرف لية و زيارة عزيزة
دا زلزال و بيعمل شرخ في طبقات القلب العليا
وصح الي بعدة شئ مختلف
شكرا على الزيارة و التعليق
و اكيد منورني
عروس البحر
ميرسي عل الزيارة و المشاركة الجميلة دي
نصيحة من اخ اسكندراني
الي بيعلق علي مواضيعك بيبقا مستني ردك علي تعليقة
في ناس بيشوفوا عدم الرد علي التعليقات نوع من عدم الاحترام
شكرا على الزيارة و التعليق
و اكيد منوراني
eman eltaher
ان شاء الله حيكون في ضحك و تفاؤل
بس موعدكيش البوست الي جاي يمكن الي بعدة
ادعيلي
انا شفت التعديل
على فكرة مش شرط تعملي بوست عن البنات علاشان تكوني عادلة
انتي اكلمتي عن موضوع و خلاص
شكرا على الزيارة و التعليق
و اكيد منوراني
hanoooda
انتي لية سيبتي الكلام كلة و مسكتي في السطور دي
يعني كل الي انا كتبتة معرفش يغطي عليهم
ولا انتي بتعرفي تصتادي
بس حنعمل اية ..اسكندرانية
شكرا على الزيارة و التعليق
و اكيد منوراني
smraa alnil
مفاجأة لية تشريفك مدونتي
يا ريت يكون كلامك صحيح و اني على الطريق الصحيح
بس مش عارف لية ضحكت جدا و انا بتخيلك في دور عبد المنعم مدبولي وهو بيقول اقف ادام المراة و قول انا مش قصير قزعة ...انا طويل و....ء
شكرا على الزيارة و التعليق
و اكيد منوراني
e7na
المشكلة انها مش خطوة فارقة كتير
بس ساعات بتحس حياتك وقفا عليها
مع انك متأكد ان اذا اخذتها او لأ -حياتك ماشية
انا زرت المدونة بتعتكوا و بردوا معرفتش انتوا مين
شكرا على الزيارة و التعليق
و اكيد منوريني
cat_eyes
ميرسي علي تشجيعك
انا كنت محتاج حد يقولي الكلمتين دول
شكرا على الزيارة و التعليق
و اكيد منوراني
tona
اول زيارة ليكي و جيبالي هدية كمان
----
لو سكتى هترجعنى
هبدأها تانى وأكمل
--------
طبعا مناسب جدا
--------
من فترة قريبة مكنتش بعرف اصدق
بس انهردة ينفع-ويمكن بكرة لأ
شكرا على الزيارة و التعليق
و اكيد منوراني
Hannoda
البشر كلها في اجازة ولازم حد يسد مكانهم
دا مش حسد --دا قر بس
البنت الشلبية
انا اعملت بنصيحتك
وكنت فعلا محتاج انام
لدرجة انى مرحتش الشغل تاني يوم
ولما سألوني قولتلهم انتي السبب
ميرسي علي النصيحة والاهتمام
شكرا على الزيارة و التعليق
و اكيد منوراني
نهر الحب
انا من النوع الي يحب يبات مغلوب ولا يباتش اهلاوي
شكرا على الزيارة و التعليق
و اكيد منوراني
klmat
الحمد لله مشغول
و مشغول هنا يعني من 9 الصبح لحد 11 باليل
شكرا جدا علي سؤالك
muse
الغربة فينا-جوانا او برانا فينا
تندة علينا-تجوبها ايامنا الحزينة
--------
آآآه
لااا بقى .. مافيناش من قر
:))
فين البوست الجديد بقى؟؟؟
حطه بسرعة و أنا حارد عليم من إسكندرية.. قوللي عاوز أرد عليه من أي سيبر؟؟؟
وانا حاروح جري.. طبعا ده تماحيك في مناطق إسكندرية
تحياتي
جميلة بجد يا اسكندرانى اوى
التعبيرات حلوة اوى
بس حلو اوى التحدى ده
وشئ طبيعى ان الواحد تلاقيه عاوز يعمل حاجة ويقلوم لكن مش عارف ازاى او يعمل ايه
بس بجد ممتاااازة
فين بقى التاج الهدية ولا هو كلام؟
Hannoda
تردي من اي سيبر
امممممممممممم
و مش عوزاني احسد ولا اقر
-------
يا رب يقفلوا كل السيبرات و شركات الانترنت الي في اسكندريا كلها
:)
علشان تعرفي تستمتعي بالاجازة من غير وجع دماغ التدوين والمدونين
متضيعيش دقايق من اجازتك في حاجة بتعمليها طول السنة
عيشي و استمتعي
وخدي صور على اد متقدري
حتنفعك جدا في ايام الغربة الطويلة
تحياتي
aliaa
شكرا ليكي علياء على كلامك الجميل
انا كان عندي تاج بس شكلة اتسرق ميني
يعني مش كلام وخلاص معا ان الكلام هو الحاجة الوحيدة الي ليها قيمة هنا
على العموم شوفي اي تاج يعجبك وخودية و ابعتيلي الفاتورة
احنا عندنا كام علياء بتنور البلوج عندي
تحياتي
ربنا يارب يحققلك كل اللى بتتمناة ويهديك ويرجعك بالسلامة مستنينك ترجع بالسلامة لحضن بلدك وبلدى اللى بنحبها اوى....على فكرة وحشتنى اوىىىى الفترة اللى فاتت.........توتاااااا
أنا اسف جدا
لنفسي اولا أنى ما شفتش مدونتك دى قبل كده
يا كبدي
أسكندراني كمان متغرب ومفطور قلبه على أسكندريته؟
نورس أخر يطير بعيدا عن شواطىء الإسكندريه المقدسه؟
أخي السكندري في الأغتراب
شد حيلك وجمد قلبك
وأفرد جناحك
أنت أسكندراني
معجون بالنوه والموجه والملح والفل
صباحك زي الفل
أتمنى تضيفني لصدقائك
عاشت وحدة السكندريين
سمر-توتاااا
ميرسي يا سمر على الكلام الجميل دة
ويا رب تخلصي المعتقل الي اسمة كلية الطب دي على خير
منوراني
Alexandrian far away
لو دي اول زيارة ليك فأنا اعرفك من زمان
انتا و اغلب الاسكندرنية زي شلة فلافل و جومة وطماطم
بس معرفش لية مجربتش اعلق عندك
يمكن علشان مختلف معاك في حجات كتير
بس الاكيد اني متفق معاك على حاجة واحدة
انحنا ملعونين بطردنا من ارض الميعاد
وأن كان مسموح لينا بزيارات قصيرة
لشحن خلايا العقل و الجسم بيود البحر
منورني و يا اكيد حضيفك
الاسكندرانية ليهم فيزا حرة في مدونتي
Viva Alexandria
Long live the Free Republic of Alexandria.
أخي في السكندرية والأغتراب
ولو تختلف معي في كل شىء بالوجود
أليس الأختلاف هو بذرة الحوار والنقاش؟
الأحزاب الماركسية كان عندها طريقه أسمها : الصراع من أجل الوحده أي أن نشتبك في حوار فكري من اجل تقريب وجهات النظر
ما تبخلش عليات بتعليقاتك
مساك زى العسل
alexadrian far away
مساك زي الفل
عند حق و غلبتني في النقطة دي
بس غريب انك تستشهد بالماركسية مع فشلهم الزريع في انجاح فكرتهم النبيلة
و بالذات في موضوع الوحدة
على العموم عن قريب حتلقيني مقييم في مدونتك الي انا بتبعها من غير حاجة
و اكيد حعلق لو لقيت اني كلامي مفيد
سعيد بزياراتك و سعة صدرك الي اكيد من صفات البحراوية(والاسكندرانية) بالذات
Viva Alexandria
yaaaaaaah
sa3b awee
Mony The Angel
asef 3la el t27'ir fi el rad
bas nader lma 7ad y3la2 3la bost adim
el kol by3la2 bnzam el zyarat el agtma3ia
3la el 3mom shokran 3la t3li2
we menwrany
إرسال تعليق