اول ما تحس انك كبرت فجأة . تعرف انك وصلت لـ
سن التلاتين
لما تكتشف ان السنة الي بتفوت ليها اهمية مش رقم للعد فقط فدا
سن التلاتين
لما تلاقي ناس شايفة انك عاقل و انت الوحيد الي شايف انك لسة طفل بيحب اللعب فدا
سن التلاتين
لما تلاقي في حد بيعتمد على رأيك ومشورتك و انت الوحيد الي شايف انك لسة مراهق بيدور على نفسة فدا
سن التلاتين
فاكر الشوق لسن العشرين علشان تبدا حياتك . لما تحس بعكس كدة فدا
سن التلاتين
لما تلاقي كلامك بيبدا بـ ( أنا رأيي او من خلال خبرتي) فدا
سن التلاتين
لما فجاة الكل يسال انت لية مجوزتش لحد ديلوقتي فدا
سن التلاتين
لما تلاقي نفسك مش عارف اسماء نصف المطربين الجدد وبتسمع منير و فيروز و Pink Floyd فدا
سن التلاتين
لما ربنا يبعتلك ملاك ومتخدش بالك فدا اكيد غباء و ملهوش علاقة بالسن
كل دة ممكن اعدية مش حيفرق معايا بس الي مش قادر اسامح فية انة ساب كل ايام الاسبوع و مجاش غير يوم التلات
هناك ٥١ تعليقًا:
كل سنة وانت طيب يا احمد وبجد زعلتلك انة جية يوم الثلاثاء - - بس انا رأي او من خلال خبرتى اننا ممكن نفتح صفحة جديدة مع يوم الثلاثاء دة ونخلي المراجعين يجوا يوم تانى - هههههههه
عوما هاظبط انا الموضوع دة عشان خاطرك
اما بالنسبة للبوست فبجد جااامد وعجبنى جدا والسنة اللى جاية هانزلة عندى
- يعنى دخلت التاريخ ياولد
سلام يا عم واشوفك قريب
كل سنه وانت طيب يا احمد
كل تلاتين وانت بخير
فين الجاتون بقى
:))
اة يا عم بس الكلام الجامد دة انت عديت يا واد خلاص وتروح بقة تقابل الناس اللي جاية من برا وتقعد معاهم وكدة واللة الجدع دة بيقول كلام غريب اقول كدة تاني انا عارفها قول كدة دي علينا دي ولا اية يا جدع وانا اقول يا ربي اة يا سلام هو انت سافرت بلاد برة ولا اية الي حصل . ههههههه كل سنة وانت طيب يا عسل والسنة الجاية اكون عم بقة عيب كدة عايز ابقي عم يا سيدي شد حيلك ولا اشد حيلي انا وانت اللي تبقي عمو احمد الحق بقة انت حر....... اسلام
يعنى هو يوم التلات بس اللى ضايقك فى كل ده؟؟؟؟؟؟؟؟
وبعدين 30 سنة عادى .. اومال اللى بقوا 33 يعملوا ايه بس
:D
كل سنة وانت طيب يا استاذى
يعني انت كده بالكلام الجامد ده فاكر انك حاتلهينا وتنسينا نقولك
كل سنة و انت طيب و عقباااال ميت سنة؟؟
لااااااااااااااا
ابدااااا
كل سنة و انت طيب
عارف؟
حسيت بالاحاسيس اللي قلتها ده مرات قبل كده.. مع اني لسة ما عجزتش زيك
:)
وبض الغيبوبة اللي انا فيها حاليا لكن كوني حسيت بده قبل كده فده معناهان ده احاسيس مكررة فحياتنا مالهاش علاقة بالسن كام بالضبط
ليها علاقة بامتى حياتنا مافهاش جديد و بلما نعلق عنينا على اللي فات أكتر من الحاضر
انزل كده مصر اسبوع وانسى انك حاترجع تسافر حاتحس انك لسة المراهق اللي اتكلمت عنه و حاتحس بقلبك لسة صغير اصغر من كل الناس
اما عن الملايكة فانا متأكده انهم مش عايشين في نفس الدنيا ده
و اللي ربنا بيبعتهولنا هو النصيب و ماينفعش يروح لحته تانية غينا
أما اللي بيضيع فأكيد مش نصيبنا
واطمن .. مادمت حسيت بقيمة حاجة قوي و حسيت بالخسارة عليها يبقى أكييييد الغباء بره و بعيد
:)
شفت بقى
برضه لهيتني بكلامك و خليتني اتفلسف وارغي
كل سنة وانت طيب
احم احممم
والله الغلط ماهو عندى وحياه ربنا
بلوجر بقى مستقصدك ومبعتليش البوست دا
ايه داااا بقى تتم تلاتين من ورايا ومن غير ماتقولى
دا انت قلبك اسوووووود
وبعدين ايه حكايه الملاك اللى بتقول عليه دا
بقى فى اسرار اهو
مااااااااااااااااشى
ماااااااااااشى
مااااااااشى
بس هطلع احسن منك واقولك كل سنه وانت طيب ياراجل ياعجوووووز
ومين هنا كمان
اخوك اسلام
وهيسبقك ويخليك عمو
خليك كدا معذبنا معاك
Echo Of Silence
وانت طيب يا موتي
نحن السابقون و انتم اللاحقون
يا عم انا جربت كل حاجة مع يوم التلات دة ومفيش فاية
دا حتى المراجعين مبيجوش غي التلات
حاجة ....
متبطلوا سرقة بقا ماليتوا البلد
:)
تحياتي
لماضة
وانت طيبة يا مروة
فين الهدية
:))
لما انزل اسكندرية حعمل حملة جاتوة لكل مدون
تحياتي
سولوم
حاضر يا سيدي من بكنة الصبح حجيبلك 2يطلعوا عيناك و يهروك يا عمو يا عمو يا عمو
ولو انت اتصرف فا بردوا مصلحة و مفيش فرق بينا
---
امشي ياد ومتجيش هنا تاني
:)))
منوارني
إنـســـانـة
اصل يوم التلات دة يوم مميز ذيادة عن اللزوم
عارفة لو وافق يوم 13
يبقا ربنا يستر بجد
33 مش حتفرق بقا هي الفكرة في تغير الرقم من العشرينات لي التلاتينات
بكرة تكبري و تعجزي زيي كدة و تقولي اسكنداني كان عندة حق
وانت طيبة و بصحة و سلامة
ومنوراني
Hannoda
كلامك صح
بس بجد الحالة الي كنت وقتها بكتب البوست دة كانت غيبة عليا
اول مرة احس اني كبرت من برة
---
في بشر بالنسبة لبشر بيبقوا ملايكة
---
مش حنختلف على مفهوم الغباء
النتيجة واحدة
وادينا بنتعلم
يااة كل دة ولسة مقلتلكيش و انت طيبة و بصحة وسلامة
تحياتي و منوراني
انت حرة
يا سيتي يعني هي جات على البلوجر ولا الريدر
دي بركات يوم التلات
عجوز
هيا بقت كدة
حتي انتي يا بروتس.
وانت طيبة و بكرة نفرح فيكي
تحياتي
كفاية انك اسكندراني ههههههههههه
ولية جاللك ايحاء اني بحكي ماساتي ومحتاجة تعاطف انا بحكي ماساة شعب وحسميها حدوتة مصرية تاني مرة
ومتشكرة لمرورك وياريت اشوف ارائك دايما
دعوة لصيام يومي الأثنين 24/11 - 1/12 والدعاء لإخواننا في غزة والتبرع بثمن وجبة الافطار لأهالينا في غزة
والي عايز يشارك يسجل معانا في حملتنا بوضع البانر في مدونته والمشاركة في الجروب ويدعو الناس كلها للمشاركة معانا
هدفنا 1.000.000 مسلم يدعو ويتبرع لاخواننا الرقم سهل ونقدر نحققه بس عايز تعاون وجدية
والي ميقدرش يصوم يوم يصوم التاني بس لازم نصوم من اجل اخواننا في غزة
البانر علي المدونة
www.bahebalhorea.blogspot.com
http://www.facebook.com/group.php?gid=37720052122
مع اني مقدرش اقول من رأي ومن خلال خبرتي بس في اعتقادي انه اجمل سن او سن اكتر جاذبيه من السابق ليه
غير كدة مش كونك وصلت للتلاتين تبقا مطالب انك تقيد نفسك وتحرم الطفل اللي جواك انه يطلع ممكن وانت في الاربعين والخمسين والستين واي عمر تلعب وتعيش محدش له عندك حاجة وياسلاام لو لقيت ملاك بجد تعيش معاها كل اعمارك بكل تقلباتهامن غير حساب
كل سنة وانت بخير
سلامي ليك وكل الود
نسيت اقولك ياغريب زيينا :)كل سنة وانت بكل خير
دلو مرة ثانية وجرح تاني
هو الايحاء الي غلطان مش انا
وانا في انتظار حدوتة مصرية بارت تو
تحياتي و منوراني
هاني جابر
حاضر
حنشوف
tota
فيتك يا غريبة زينا
عندك حق كل سن و لية فوائد و ميزات
واكيد التلاتين مش وحش للدرجادي
بس هما اخر يومين في العشرينات كانوا صعبين شوية
كأني كنت بودع صديق اعرفة من عشر سنين ومش حشوفة تاني
--
كنت حزعل اوي لو نسيتي غريب زينا
وانت طيبة و بصحة وسلامة
تحياتي و منوراني
صحيح نسيت اقوللك انا مش بحب هاني شاكر وبعدين احنا بلديات هههههههه والله وحشاني اسكندرية في الصيف الساعة 6 يوم خميس والقمر بدر علي الكورنيش افتكر ايام زمان واكتب عنها دة اقتراح او طلب زي ما تحب
نزلت حدوتة مصرية جزء تاني
طيب وال 36 سنة يبقى إيه؟
كلنا لها
حروف
فكرة وجاري التنفيذ
بس لية متسمعيش هاني
دا حلو خالص مالص
:)
تحياتي
يا مراكبي
يبقا ربنا معاة و يديلة الصحة
واهي ايام و بتعدي وربنا يحسن خواتمنا
هههههههههه
تحياتي
Sharm
نحن السابقون و انتم اللاحقون
تحياتي
أنا سايبة اللحمة أهو و جاية أعيد عليك
كل سنة و انت طيب كمان مرة
وعيد سعيد عليك و علينا يارب
رغم اني في سن الخمسة وعشرين ، بس حاسس اوي بالكلام اللي بتقوله ده
صعب اوي شعور السنين وهي بتهرب من بين ايديك
بتجري بسرعة واحنا مش قادرين نلاحقها
كل سنة وانت طيب انا فقدت الامل انك تدخل ودايما ببص عندي مش بلاقيك كتبت موضوع جديد في انتظار الجديد
اولا كل سنه وانت طيب
ثانيا ابتسامه من الودن دى للودن دى
معرفش يمكن شيكمنى برضه بحس كده وفرحانه انه مش لوحدى يا عينى
ههههههههه
بس بجد بجد بوست جاااااااامد
سلامى ايها الرجل التلاتينى
:)))
السلام عليكم
كل سنه وانت طيب و بصحه و سلامه
و عقبال 100 سنه ههههههه
تحياتي
************
القلب المنكسر
*****************
دمت بكل خير و سعاده
******************
و اتمني زيراتك الي مدونتي المتواضعه
******************
و لا تنسو الدعاء لاخواننا في غزه
*********************
القلب المنكسر
***********************
و السلام عليكم و رحمه الله و براكته
***********************
بقوا 30 و شهرين و لسة مانزلتش بوست جديد
فينك
المدونة رائعة بجد
بصراحة حسيت بحاجات كتيرة من اللى قولتها
رغم انى لسه ماجبتش التلاتين بس اهى فى الطريق
بس بلاش نيأس يمكن يكون الفرج فى سن التلاتيين
ههههههههه
بهنيك على المدونه الجميلة
هوه انت لسه برضو في ال30 ولا ايه عمرك وقف عند اليوم ده وغبت ليه ياغرييب زيينا
اتمني تكون في احسن حال
سلامي ليك وكل الود
Hannoda
يا رب تكون اجازة سعيدة
وتشحني فيها على قد ما تقدري علشان كل اجازة وليها عودة
تحياتي
محمود محمد حسن
شكر على شعورك الجميل
ويا رب تمسك بالسنين دي على قد ماتقدر
:)
تحياتي
حروف
جديد؟
يعني اية جديد؟
:))
تحياتي
shayma
هههه
يا سيتي كلها 20 سنة و توصلي للتلاتين وحنشوف حتحسي بي اية ساعتها.
مش الحسبة كدة صح؟
:))
تحياتي
** القــــلـــب المنـــكـــســر
وانت طيبة
وتحياتي
فراشة
انت الي كلامك زي الفراشة بجد
ميرسي و انت طيبة وبصحة وسلامة
تحياتي
tota
غريبة زينا و الي بتحب تغيب عننا
اديني اهو يا سيتي عديت التلاتين بكام شهر و لسة عايش
انت بقا مختفية لية؟
تحياتي و منوراني
كل سنة وانت تلاتينى جميل
بكرة لما تبقى اربعين سنة وبعدها خمسين تفتكر اللحظة دى
وتعرف انها كانت اد ايه حلوة
لان الراجل بيحلى كل مايكبر وبالذات سن ال30 يقولو عليه فى عِزُه ومش فاهمه ايه هو عِزُه ولما البنت توصل لنفس السن يقولو عانس
احمد ربنا انك راجل
تعالى كمان اقولك سر
(المجتمع بيشوف الرجل التلاتينى راجل كله طاقة بيستغلوه اوى لو فى شغل والبنات بتشوفه راجل جذاب ) ماتقولش لحد بئى وكل سنة وانت طيب مع انها جت متأخرة
مالقيتش حتة أسيب تعليقي على الاغنية فيها فقلت أحطه هنا
الاغنية ده حلوة قوي.. قوي
تحياتي
كلامك الموزون ده بيقولك اهلا بيك في نادي التلاتين
ترسم اول تجعيدة تعطيك جاذبية الرجال
في مثل ايراني بيقول
الرجولة في الحصان سنة و الراجل تلاتين
حاول اتشعلق في 28 كذا سنة بس شعري بدأ يفضحني
تحياتي للبوست الرائع بجد
يالهوي هو دا احساس كل اللي وصلوا 30
عااااااااااااااااااااااااا يعني انا هيجيلي الاحساس دا
عااااااااااااااااااااااااااااا
مش تقول كدا
الشباب شباب القلب
كل سنه وانت طيييييييييييييب
معاك حق كلامك مظبوط
كلام جميل كلام معقول ما اقدرش اقول حاجةعنه
شكرا على الموضوع
جميل هالموضوع
جميل هالموضوع
إرسال تعليق